पुणे : प्रतिनिधी
पुणे जिल्ह्यात जादूटोणा, तंत्र-मंत्र आणि अंधश्रद्धेच्या नावाखाली सर्वसामान्य नागरिकांची फसवणूक करणाऱ्या भोंदू बाबांविरोधात कठोर कायदेशीर कारवाई करावी, अशी आग्रही मागणी शिवसेना पुणे जिल्हा समन्वयक ॲड. गणेश म्हस्के पाटील यांनी पुणे पोलीस अधीक्षक आणि पोलीस आयुक्तांकडे एका निवेदनाद्वारे केली आहे.
नुकतीच अशोक खरात या भोंदू बाबावर गुन्हा दाखल करून त्याला अटक करण्यात आली आहे. या घटनेच्या पार्श्वभूमीवर जिल्ह्यात सक्रिय असलेल्या इतर भोंदू बाबांच्या टोळ्यांचा बंदोबस्त करण्याची गरज ॲड. म्हस्के पाटील यांनी व्यक्त केली आहे.
नेमके प्रकरण काय?
महाराष्ट्र नरबळी आणि इतर अमानुष, अनिष्ट व अघोरी प्रथा आणि जादूटोणा प्रतिबंधक कायद्याची अंमलबजावणी होत असूनही, अनेक भोंदू बाबा नागरिकांना भीती दाखवून त्यांची आर्थिक लूट करत आहेत. निवेदनात नमूद केल्यानुसार:
महिलांचे शोषण: भोंदू बाबांकडून महिलांचे आर्थिक आणि शारीरिक शोषण होत असल्याच्या धक्कादायक घटना समोर येत आहेत.
अंधश्रद्धेचा बाजार: नागरिकांच्या अज्ञानाचा आणि अडचणींचा गैरफायदा घेऊन त्यांना भीती दाखवली जात आहे.
सक्रिय जाळे: अशोक खरात प्रकरणावरून हे स्पष्ट होते की, अशा प्रवृत्तींचे जाळे जिल्ह्यात अजूनही मोठ्या प्रमाणावर सक्रिय आहे.
पोलिस प्रशासनाकडे केलेल्या प्रमुख मागण्या:
ॲड. गणेश म्हस्के पाटील यांनी निवेदनात खालील मुद्द्यांवर तातडीने कारवाई करण्याची मागणी केली आहे.
“अंधश्रद्धेच्या नावाखाली गरिबांची लूट आणि महिलांचे शोषण करणाऱ्या नराधमांना समाजात स्थान असता कामा नये. पोलिसांनी या प्रकरणी कठोर पावले उचलून पुणे जिल्हा भोंदूगिरी मुक्त करावा.”
— ॲड. गणेश म्हस्के पाटील (शिवसेना जिल्हा समन्वयक, पुणे)
या निवेदनामुळे आता पुणे पोलीस प्रशासन जिल्ह्यातील अशा भोंदू बाबांवर काय कारवाई करणार, याकडे सर्वांचे लक्ष लागले आहे.
About the Author
