मुंबई : महाराष्ट्र आरोग्य विज्ञान विद्यापीठ, प्रति कुलपती तथा मा. मंत्री वैद्यकीय शिक्षण, महाराष्ट्र शासन, मंत्रालय मुंबई यांच्या संकल्पनेतून व निर्देशान्वये तसेच महाराष्ट्र आरोग्य विज्ञान विद्यापीठाच्या २५ वा रौप्य महोत्सव वर्षाचे औचित्य साधून दिनांक ०८.०३.२०२३ रोजी जागतिक महिला दिन साजरा करण्याच्या अनुषंगाने स्तन कर्करोग जनजागृती (Breast Cancer Awareness and Treatment) करण्याकरिता मुंबई शहर विभागातील वैद्यकीय दंत, आयुर्वेद, नर्सिंग असे २२ महाविद्यालयातील २३०० विद्यार्थी व 200 अध्यापकांच्या सहभागाने कालाघोडा ते सेंटजॉर्ज रुग्णालय परिसरा पर्यंत भव्य रॅलीचे आयोजन करण्यात आले होते. या रॅलीमध्ये मा. मंत्री श्री. गिरीशजी महाजन वैद्यकीय शिक्षण व संशोधन विभाग, ग्रामविकास, पंचायतराज, युवक कल्याण विभाग हे प्रमुख पाहुणे म्हणुन उपस्थित होते. त्यांच्या सोबत इतर मान्यवर श्री राजेंद्र निवतकर, आयुक्त, वैद्यकीय क्षिक्षण व संशोधन विभाग महाराष्ट्र राज्य, डॉ. श्री अजय चंदनवाले, सहसंचालक, वैद्यकीय शिक्षण व संशोधन विभाग, महाराष्ट्र राज्य, डॉ. श्री. मिलिंद निकुंभ, प्र-कुलगुरु, महाराष्ट्र विज्ञान विद्यापीठ, नाशिक श्रीमती ना भूतपूर्व भारतीय महिला क्रिकेट कर्णधार, डॉ. अजीत गोपछडे, व्यवस्थापन परिषद सदस्य व रिजनल सेंटर प्रमुख मुंबई, महाराष्ट्र आरोग्य विज्ञान विद्यापीठ नाशिक, टाटा हॉस्पिटलचे कॅन्सर तज्ञ डॉ. शर्मा तसेच डॉ संपदा संत, अधिष्ठाता, रा. आ. पोद्दार वैद्यक महाविद्यालय, वरळी व इतर मान्यवर उपस्थित होते उपस्थित होते.
सदर रॅलीची सुरुवात काळा घोडा चौक पासुन झाली व सांगता सेंट जॉर्ज मेडिकल कॉलेज सी एस टी येथे झाली. या रॅली मध्ये मान अधिष्ठाता वै संपदा संत यांच्या मौल्यवान मार्गदर्शनामुळे व सक्रिय सहभागामुळे रा आ पोद्दार महाविद्यालय व म आ पोद्दार रुग्णालयातील एकुण ३००-३५० (अध्यापक- ३५, पद्व्युत्तर विद्यार्थी ३८ व पदवी विद्यार्थी- २३४) डॉक्टरांनी सक्रिय सहभाग नोंदविला व रॅली यशस्वी करण्यामध्ये सहकार्य केले. या रॅलीत विद्यार्थ्यांनी स्तन कर्करोग माहितीपर विषयी विविध घोषणा दिल्या, पथनाट्ये सादर केली तसेच या विषयी अधिक माहिती देणारी परिपत्रके पोद्दार महाविद्यालया तर्फे सामान्य नागरीकांना वाटण्यात आली आणि अधिक मार्गदर्शनासाठी म. आ पोद्दार रुग्णालयातील स्त्री रोग व प्रसुती तंत्र च्या बाह्य रुग्ण विभागात भेट देण्यास सांगितले गेले.