मुंबई : कराटे इंडिया ऑर्गनायजेशन (KIO) यांच्या मान्यतेने, कराटे-दो असोसिएशन ऑफ महाराष्ट्र व इंडियन गेन्सेरियु कराटे-दो फेडरेशन यांच्या संयुक्त विद्यमाने दिनांक २६ व २७ जानेवारी २०२३ रोजी महाराष्ट्र कामगार कल्याण भवन, अंधेरी (पूर्व), मुंबई येथे जागतिक व आशियाई कराटे स्पर्धेतील पदक विजेते खेळाडू व इराण देशाच्या राष्ट्रीय संघाचे प्रशिक्षक श्री. हमीद झिकसारी यांच्या मार्गदर्शनाखाली महाराष्ट्रातील राज्य व राष्ट्रीय पातळीवरील खेळाडूंसाठी नवीन आधुनिक सराव पद्धत, गुण प्राप्त करण्याची कला, फिटनेस व स्पर्धेतील होणार्‍या इजा इत्यादी गोष्टींच्या सखोल अभ्यासासाठी सदर प्रशिक्षण शिबीर आयोजित करण्यात आले आहे. सदर शिबिरासाठी मर्यादित खेळाडूंना प्रवेश दिला जाणार आहे. अशी माहिती शिहान संदीप म. गाडे यांनी दिली.